ghamai-ghamai pakat kelilin
dok cokoh hiris dagin
bele-bele kecek tanya kaba
brusul asal hok tadok puco
kalu susoh pakat ghoyat cagho
hokni buat laguni hoktu buat lagutu
situ ado goni denu ado gotu
bele hiris bele kecek
habis licin lembu sekor
oghe tino kat dapor
hiris bawe tumis awah
basoh dagin basoh begras
buat sirap bele-bele siup api
buboh krisik nga siyor masuk hidung
bresin tak brenti
“bakpo tu,” tanya oghe luar
“awah masok hidung,” jawab oghe dapor
tepi ghumah bawoh pohon jambu
tok imen tok siok tok ngulu
dok kelilin kawah
kucau ghulai kogreh begras
denga sendok pelepoh nyor
ada dok holor kayu
usik bara biar nyala
api kecik takut nasi metah
budok-budok dok kelilin
pokok pise pokok nako
main decok main nusuk
belago spila jago adik
hok buas-buas
dok rukas pohon kayu
dok bruga kelilin tuku
atah ghumah anak daro
pakat buat bunge telo
bunge manggar
pasan lasir pasan cada
suson bare atah neka
sronok oghe kapong bekwoh
pagi pete siye male dok buat kerja
tak srupa banda
tibe-tibe cokoh basal nikah
senyak-senyak sapa kad
ajak make ghula
kalu saklah lambat sapa
tinga bekas tinga apas.
NASSURY IBRAHIM
6 Ogos 2005
6 ulasan:
Tuan,
Biso molek sajak lagu ni.
Salam. Kawan sekarang dah berpindah ke blog baru di alamat http//szirdina.blogspot.com
cikgu,
bele-bele ke bela-bela
kabar ke kaba
susah ke susoh
cara ke cagho
cikgu buleh ghujuk ssini
http://kecek-kecek.blogspot.com/
Terima kasih Sahrunizam. Kawe dah senaraikan blog demo.
Terima kasih juga Abuyon.
dari 5 cadangan, saya ambil 4. ejaan 'bele-bele' tu rasanya dah ok
bela-bela tu ganu :)
dalam wayang kulit ada 'bele jale bele fike.' sama bokali
Catat Ulasan